Nánar um sameiningu Wise og Þekkingar

Á síðasta ári var tilkynnt um kaup Wise á öllu hlutafé Þekkingar og gengu kaupin í gegn á haustmánuðum við samþykkt Samkeppniseftirlitsins. Þann 30.maí nk. munu loka skrefin verða tekin í samruna Wise og Þekkingar en frá og með þeim degi sameina fyrirtækin rekstur sinn undir einni kennitölu. Starfsfólk mun jafnframt sameinast undir einu þaki á skrifstofum fyrirtækisins að Ofanleiti 2 í Reykjavík og Hafnarstræti 91 á Akureyri. 

Frá og með 1. júní munu allir reikningar berast frá kennitölu Wise, kt. 630407-0870. Heimasíða og símanúmer Þekkingar helst óbreytt og viðskiptavinir Þekkingar geta áfram sótt þjónustu í gegnum sömu þjónustugátt og áður. Áhrif þessa formlega samruna ætti því að vera minniháttar fyrir viðskiptavini Þekkingar. 

Viðskiptavinir Þekkingar geta nálgast frekari upplýsingar í síma 4603100 og á heimasíðu Þekkingar: 

https://www.thekking.is/ 

https://thekking.myportallogin.co.uk/

Við sameiningu Wise og Þekkingar bjóðum við nú heildstætt lausnaframboð á sviði upplýsingatækni. Sameinað lausnaframboð okkar samanstendur af hýsingu og rekstrarþjónustu ásamt heildarlausnum á sviði viðskipta fyrir fyrirtæki, stofnanir og sveitarfélög. 

Sameinað fyrirtæki byggir á sterkum grunni beggja fyrirtækja og nú geta viðskiptavinir sótt alla okkar þekkingu og sérfræðikunnáttu á einum stað. Við erum stórhuga og ætlum okkur að styðja við okkar kraftmiklu viðskiptavini með framsæknum, traustum og markvissum lausnum.