Verðhækkanir hjá Microsoft
Microsoft hefur gefið út að verðskráin þeirra muni hækka frá og með 1. mars 2022
Hvers vegna hækkar Microsoft verðin?
Ástæða fyrir því að Microsoft hækkar sína verðskrá er að fyrirtækið hefur ekki hækkað verð sín frá árinu 2016 en á sama tíma hefur verið umtalsverð framþróun þar sem fjölmargar nýjungar frá þeim hafa litið dagsins ljós. Dæmi um það er Teams hugbúnaðurinn sem hefur heldur betur breytt vinnulagi til hins betra.
Einnig er ný vegferð að fara af stað hjá þeim sem kallast NCE eða Microsoft New Commerce Experience. Með þessum nýju áskriftarleiðum er verið að gefa viðskiptavinum tækifæri á að raða saman áskriftarleiðum sem hentar þeirra rekstri best.
Þrjár leiðir í boði
Í núverandi fyrirkomulagi er hægt að fækka og fjölga leyfum hvenær sem er og innheimtan fer eftir því en nýja leiðin sem kallast NCE er einungis hægt að velja áskriftarleið með 1 mánaðar, 12 mánaða eða 36 mánaða binditíma þar sem verðvernd er á meðan binditíma stendur. Áskriftarleið með 1 mánaðar binditíma er 20% dýrari en leiðin með 1 árs binditíma.
Mánaðar áskrift
- Viðskiptavinur hefur tækifæri til að breyta fjölda leyfa milli mánaða
- 20% hærra verð en ársáskriftir
12 mánaða áskrift
- Skuldbinding
- Greiðsluvalmöguleikar
- Mánaðarlega eða allt fyrirfram
36 mánaða áskrift
- Viðskiptavinur festir verðin í 36 mánuði
- Greiðsluvalmöguleikar
- Mánaðarlega, árlega eða allt fyrirfram
Tvískipt verðhækkun
Microsoft setur verðhækunina í tvo hluta. Annars vegar eru það sérstakar hækkanir á eftirfarandi leyfum.
- Microsoft 365 Business Basic
- 20% hækkun
- Microsoft 365 Business Premium
- 10% hækkun
- Office 365 E1
- 25% hækkun
- Office 365 E3
- 15% hækkun
- Office 365 E5
- 8,6% hækkun
- Microsoft 365 E3
- 12,5% hækkun
Hins vegar er það 20% hækkun á öll almenn leyfi hjá Microsoft sem tekur einnig gildi frá og með 1.mars 2022 ofan á sérstæðu hækkanirnar.
Mikilvægt að hafa í huga
Hafa þarf í huga að það er mikilvægt að fylgjast vel með áskriftarleiðum, hvenær þær byrja og hvenær þeim líkur, það er á ábyrgð viðskiptavinarins. Því þegar binditíma líkur hafa viðskiptavinir einungis 72 klst (3 daga) glugga til að fækka leyfum ef þörf er á því. Að þessum tíma liðnum verður ekki hægt að fækka leyfum né fá endurgreitt.
Það er hinsvegar alltaf hægt að bæta við leyfum.
Fáðu ráðgjöf
Við hjá Þekkingu viljum aðstoða ykkur við að finna réttu leiðina fyrir 1.mars 2022. Mælum hiklaust með ráðgjöf því þetta er alltaf mat úr frá þörfum hvers og eins. Fyrir suma hentar að binda allt á meðan aðrir myndu vilja hafa meiri sveigjanleika.
Við bendum ykkur því að að bóka ráðgjöf hjá sérfræðingum okkar til að finna bestu leiðina fyrir ykkur.