Ráðstafanir Þekkingar vegna COVID-19 / Nánar hér

Rekstrarþjónusta

Rekstrarþjónusta Þekkingar nær yfir allan daglegan rekstur upplýsingatækni. Okkar hlutverk er að tryggja áreiðanleika tölvukerfa svo fyrirtæki geti einbeitt sér að sinni kjarnastarfsemi.

Sérfræðingar Þekkingar vakta þín tölvukerfi í öruggu umhverfi og vinna með fyrirbyggjandi hætti gegn vandamálum og bilunum. Við þekkjum mikilvægi tölvukerfa og tæknibúnaðar í afkomu fyrirtækja og leggjum metnað okkar í að tryggja viðskiptavinum öryggi og ánægju.

Hvað er hægt að setja í rekstrarþjónustu

Rekstrarþjónusta nær yfir allan tæknibúnað og almennan hugbúnað. Við sjáum um að tæknibúnaðurinn gangi vel og almennur hugbúnaður sé uppfærður og settur upp með réttum hætti. Helstu flokkar af búnaði sem þú getur valið í rekstrarþjónustu eru:

  • Netþjónar
  • Tölvur / útstöðvar
  • Netkerfi
  • Afgreiðslukerfi
  • Notendaþjónusta
  • Aðgangsstýringar

Þarfir og kröfur viðskiptavina eru misjafnar og þess vegna bjóðum við rekstrarþjónustu bæði eftir stöðluðum leiðum og einnig sérsniðna að þörfum hvers og eins. Í sameiningu veljum við þann búnað sem þú vilt koma í öruggan rekstur.

Notendaþjónusta

Með notendaþjónustu tryggir þú að starfsfólk þitt hafi aðgang að sérfræðingum í gegnum þjónustuver Þekkingar. Auðvelt aðgengi starfsfólks að sérfræðingum sem leysa úr vandamálum hratt og örugglega. Við setjum upp tillögur að rekstrarþjónustu sem tryggir þínu fyrirtæki öruggt tölvuumhverfi.

Hafðu samband og í sameiningu finnum við hagkvæmustu leiðina fyrir þitt fyrirtæki.