Ráðgjöf og kennsla

Ráðgjöf

Þekking er óháð sérfræðifyrirtæki á sviði rekstrarþjónustu og hýsingar. Sérfræðingar Þekkingar búa yfir mikilli reynslu og kunnáttu á öllum sviðum upplýsingatækninnar og geta ráðlagt bæði núverandi viðskiptavinum sem og öðrum aðilum við þarfagreiningar, innleiðingar, endurbætur sem og önnur verkefni hvort sem er á sviði innkaupa, hugbúnaðargerðar, upplýsingaöryggist, innviða eða skýjalausna.

Hvort sem þú þarft að gera hagstæðari innkaup, fá meira út úr núverandi fjárfestingu í hugbúnaði eða þjónustu eða ert að íhuga að leggja einu hugbúnaðarkerfi og flytja yfir í annað getum við hjá Þekkingu aðstoðað.

Kennsla

Í síbreytilegum heimi tækninnar er mikilvægt að starfsfólki sé veitt aðstoð í að tileinka sér, og læri á, þau verkfæri sem notuð eru í fyrirtækinu hverju sinni. Tölvunám er því sjálfsagður hluti af símenntun starfsfólks og Þekking leggur mikla áherslu á að bjóða viðskiptavinum sínum bestu mögulegu kennslu sem völ er á.

Námskeiðin eru haldin af kennaramenntuðum einstaklingum sem leggja höfuðáherslu á að þátttakendur séu virkir á meðan að á námskeiði stendur með stuttum og hnitmiðuðum verkefnum. Við leggjum áherslu á að þátttakendur vinni í sínu eigin umhverfi á námskeiðinu og séu allir með tölvu til afnota, ýmist eigin tölvu eða í þar til gerðum tölvustofum.

Ráðgjöf og kennsla er okkar sérgrein

Hjálmur Dór Hjálmsson

Sölu- og markaðssvið

Vörustjóri

897 1930

460 3159

hjalmur(hjá)thekking.is