Stafræn gögn fyrirtækja eru eitt það verðmætasta sem er í þeirra eignasafni og því mikilvægt að verja þau með skilvirkum og öruggum hætti. Gögn eru oft á tíðum geymd hjá hýsingaraðila eins og Þekkingu sem er með afritunarkerfi sem ver gögnin gegn gagnatapi, óvæntum bilunum í búnaði, gagnastuld (e.cryptolocker) og innbrotum í tölvukerfi sem miða að því að valda fyrirtækjum skaða með því að eyða gögnum eða taka þau í gíslingu, gagnagíslataka.   

Eru öryggisafritin þín varin?

Afritunarkerfið þarf að styðjast við nútíma aðferðir og þá hugmyndafræði um varðveislu gagna sem þykir fullnægjandi hverju sinni. Í þessum fræðum eins og öðrum er stöðug þróun og því þarf að fylgjast vel með. Sem dæmi um slíkt þá hefur undanfarið verið mikið í umræðunni svokölluð óbreytanleg afrit eða “Immutable backups”. Slík afrit eru sérstaklega varin á þann hátt að úr afritunarkerfinu er ekki hægt að eyða afritunum með neinum hætti. Komist tölvuþrjótar yfir afritunarkerfið geta þeir ekki eytt afritunum.

Mikilvægt er að afritunarkerfið styðjist einnig við að minnsta kosti 2 staðsetningar, þar sem frumgögn og geymsluafrit eru geymd á sitthvorum staðnum, helst á landfræðilega aðskildum staðsetningum þar sem náttúru vá gæti ógnað landshluta eins og nýleg eldgos hafa minnt okkur á.