Ráðgjöf og kennsla

Þekking er óháð sérfræðifyrirtæki á sviði rekstrarþjónustu og hýsingar.

Ráðgjöf

Sérfræðingar Þekkingar búa yfir mikilli reynslu og kunnáttu á öllum sviðum upplýsingatækni og hafa svo árum skipt veitt atvinnulífinu ráðgjörf við þarfagreiningar, innleiðingar, endurbætur sem og önnur verkefni hvort sem er á sviði innkaupa, hugbúnaðargerðar, upplýsingaöryggis, innviða eða skýjalausna.

Kennsla

Í síbreytilegum heimi tækninnar er mikilvægt að starfsfólki tileinki sér kunnáttu og hæfni á þau verkfæri sem notuð eru í fyrirtækinu hverju sinni. Tölvunám er því sjálfsagður hluti af símenntun starfsfólks og Þekking leggur mikla áherslu á að bjóða viðskiptavinum sínum bestu mögulegu kennslu sem völ er á.

Námskeiðin eru haldin af kennaramenntuðum einstaklingum sem leggja höfuðáherslu á að þátttakendur séu virkir á meðan á námskeiði stendur með stuttum og hnitmiðuðum verkefnum sem henta þeirra starfi. Við leggjum áherslu á að þátttakendur vinni í sínu eigin umhverfi á námskeiðum og séu allir með tölvu til afnota, ýmist eigin tölvu eða í þar til gerðum tölvustofum.

Við veitum þér óháða ráðgjöf á öllum sviðum upplýsingatækni.

Hafðu samband

Viltu fá að vita meira um ráðgjöf og kennslu Þekkingar? Við viljum endilega heyra frá þér svo hafðu samband hér