Ráðstafanir Þekkingar vegna COVID-19 / Nánar hér

Nýtt skipulag hjá Þekkingu

Nýtt skipurit tók gildi hjá Þekkingu 1. júní sl. Helstu breytingar eru þær að þjónustu-, rekstrar- og ráðgjafasvið hafa verið sameinuð í eitt svið undir nafninu Rekstrar- og þjónustusvið. Undir sviðið heyrir þjónustuborð, vettvangsþjónusta, rekstrarþjónusta ásamt ráðgjöf og verkefnastýringu og mun Jón Ingi Björnsson leiða sviðið. Sölu- og markaðssvið verður Viðskiptaþróun og undir það svið heyrir viðskiptastýring, sala, markaðsmál ásamt vörustýringu og vöruþróun. Gunnar Ólafsson sem leitt hefur Sölu- og markaðssvið mun leiða nýtt svið Viðskiptaþróunar. Undir fjármálasvið heyra fjármál, bókhald og mannauðsmál og verður sviðinu líkt og áður stýrt af Bjarna Áskelssyni.

NÝR SVIÐSSTJÓRI REKSTRAR- OG ÞJÓNUSTUSVIÐS

 Jón Ingi Björnsson hefur verið ráðinn nýr sviðsstjóri Rekstrar- og þjónustusviðs og tekur hann sæti í framkvæmdastjórn Þekkingar. Jón Ingi hefur sinnt starfi ráðgjafa hjá Þekkingu undanfarna mánuði og leitt fjölda umbótaverkefna. Áður gegndi Jón Ingi stöðu forstöðumanns tækniþjónustu hjá Íslandsbanka í 13 ár. Þá var Jón Ingi einn stofnenda Álits (síðar ANZA) en Álit var fyrst íslenskra fyrirtækja að bjóða úthýsta upplýsingatækniþjónustu. Þar áður starfaði hann sem rekstrarstjóri  hjá ISAL. Jón Ingi er með BS gráðu í tölvunarfræði frá Háskóla Íslands og BA gráðu í sálfræði frá sama skóla.

Jón Ingi Björnsson, sviðsstjóri Rekstrar- og þjónustusviðs

FRAMKVÆMDASTJÓRN ÞEKKINGAR

  • Stefán Jóhannesson, framkvæmdastjóri
  • Bjarni Áskelsson, fjármálastjóri
  • Gunnar Ólafsson, sviðsstjóri Viðskiptaþróunar
  • Jón Ingi Björnsson, sviðsstjóri Rekstrar- og þjónustusviðs
Stefán Jóhannesson framkvæmdastjóri Þekkingar

„Með nýju skipuriti straumlínulögum við félagið, styttum boðleiðir, getum hreyfst hraðar og erum enn betur í stakk búin fyrir þá spennandi tíma sem fram undan eru í upplýsingatækni. Áfram leggjum við höfuð áherslu á framúrskarandi þjónustu, lausnir og trausta ráðgjöf. Samhliða þessu höfum við verið að stórauka áherslu okkar á öryggismál og bjóðum viðskiptavinum okkar upp á breitt úrval fyrsta flokks lausna og ráðgjöf í þeim efnum.  Það er mikill fengur fyrir Þekkingu og viðskiptavini okkar að fá Jón Inga inn í framkvæmdastjórn félagsins. Þar verður hann mikilvægur liðsmaður og mun yfirgripsmikil þekking hans og reynsla nýtast vel.“ Segir Stefán Jóhannesson framkvæmdastjóri Þekkingar.