Creators Update – Stór uppfærsla frá Microsoft

Þann 11. apríl næstkomandi mun hugbúnaðarrisinn Microsoft gefa út stóra uppfærslu á Windows 10 stýrikerfið sitt. Þessi uppfærsla hefur fengið nafnið „Creators Update“.

Í uppfærslunni verður lögð áhersla á ýmsar nýjungar og viðbætur sem tengjast aðallega skapandi hugsun.

Þrívídd (3D) og blandaður raunveruleiki (Mixed reality).

Paint 3D

Í uppfærslunni leggur Microsoft mikla áherslu á að gera notendum auðveldara með að nýta sköpunargáfur sínar og þá helst með auknum stuðningi við þrívíddarhönnun og einnig með því að blanda saman tilbúnu umhverfi og raunveruleikanum, svokallað „Mixed reality“. Meira að segja gamla góða Paint forritið verður að Paint 3D.

Viðbót fyrir leikjaunnendur

Beam

Nýja leikjastreymaveita Microsoft, Beam, mun bjóða leikjaunnendum sínum að streyma leikjaspilun sinni beint af tölvunni, hvort sem um er að ræða Windows 10 tölvu eða Xbox leikjavél.

Xbox Play Anywhere mun leyfa þeim sem kaupir ákveðna leiki að spila þá bæði á Windows 10 tölvunni eða í Xbox leikjavélinni en borga þó aðeins fyrir eitt eintak.

Microsoft hefur bætt nýrri viðbót við Windows 10 sem kallast „Game mode“ eða leikjahamur. Þegar Windows 10 tölvan fer í leikjaham þá notar hún meira af afli sínu í að gera upplifun notandans af leiknum sem besta.

Edge vafrinn hraðvirkari og öruggari

Edge

Microsoft heldur áfram að gera nýja vafrann sinn (Microsoft Edge) hraðvirkari og öruggari með hverri uppfærslunni. Nú munu einnig bætast nýjungar við hann, eins og t.d. „Set these tabs aside“ viðbótin, sem gerir notandanum kleift að setja alla flipana (Tabs) sína til hliðar, geyma þá og raða þeim upp og stilla þá eins og hverjum og einum finnst best.

Microsoft bætti einnig við stuðningi við netbækur (ebooks) og verður hægt að versla þær beint úr Windows versluninni (Windows Store) og skoða í Edge.

Eitthvað fyrir foreldra

Foreldrar hafa hingað til getað stjórnað tíma barna sinna í tölvum keyrandi á Windows 10 með því að láta þau hafa svokallaðan „Child Account“  eða barna aðgang. Með honum er hægt að stilla tímann og hvað börnin geta skoðað og framkvæmt í tölvunni. Með þessari uppfærslu verður þetta einnig í boði á Xbox leikjatölvunni frá Microsoft.

Meiri upplýsingar er að finna hér

Windows Hello fær einnig nýjungar

Hægt verður að nota nánast hvaða tæki sem er, svo lengi sem það er parað (Paired) við tölvuna, til að læsa tölvunni sjálfkrafa þegar notandi fer frá henni. Búnaður eins og snjallsími, snjallúr eða heilsubönd munu koma að enn betri notkun með þessari nýju viðbót.

Aukið öryggi með Windows Defender Security Center

Windows Defender

Windows Defender fær alveg nýtt útlit og nýja möguleika. Helstu öryggisstillingum hefur nú verið safnað þar saman á einn stað, svo sem stillingum fyrir vírusvörn, eldvegginn og fleira. Þar verður einnig hægt að sjá ástand búnaðar.

Aðrar nýjungar

Night light dregur úr bláu birtunni frá skjánum, þannig að notandinn á auðveldara með að sofna ef horft er á tölvuskjáinn á kvöldin.

Mini view leyfir notandanum að hafa lítinn glugga með myndbandi, spjallglugga eða hverju sem er ofan á því forrit sem verið er að vinna í.

Start menu fær möguleika á að hópa saman flísar (Tiles), þannig að ein flís getur innihaldið margar flísar af hinum og þessum toga.

Þetta er aðeins brot af þeim nýjungum sem koma í þessari uppfærslu.

Að lokum

Eins og fram hefur komið mun þessi uppfærsla fara af stað 11. apríl næstkomandi. Fyrir ykkur sem eruð of spennt til að bíða, þá er hægt að fara á Microsoft síðuna og sækja nýjasta „Windows 10 Update Assistant“ (og smella á „Update now“) og ná þannig í nýjustu útgáfuna af Windows 10 sem inniheldur þessa uppfærslu.

Nokkrum dögum eftir að uppfærslan fer af stað eða 25. apríl næstkomandi mun svo Microsoft byrja að dreifa út þessari uppfærslu fyrir Windows 10 snjallsíma.

Surface Book og Surface Studio á fleiri markaði

Surface Studio

Í apríl mun verða hægt að nálgast Surface Book og Surface Studio í Evrópu. Surface tækin frá Microsoft hafa fengið eintómt lof frá gagnrýnendum og notendum þess.

Vefsíðan okkar notar kökur til að bæta þína upplifun af vefnum. Lesa má persónuverndarstefnu Þekkingar hf. með því að smella hér.