Ráðstafanir Þekkingar vegna COVID-19 / Nánar hér

Microsoft Teams

Samvinna, fjarvinna og fjarfundir hafa aldrei verið einfaldari í framkvæmd með þeim verkfærum sem Microsoft býður upp á. Microsoft Teams er eitt öflugasta verkfærið í Microsoft Office 365 svítunni sem völ er á í dag fyrir samskipti, hópavinnu, fjarfundi og fjarvinnu. Það staðfesta miklar vinsældir Teams um heim allan um þessar mundir og er Ísland þar engin undantekning. Tugir milljóna notenda nýta Teams daglega og hefur fjöldi notenda aukist gríðarlega á síðustu mánuðum.

Betri samvinna og fjarvinna með Microsoft Teams

Teams auðveldar starfsfólki að sinna verkefnum, bætir samvinnu starfsfólks og er hentug lausn þegar kemur að fjarfundum bæði með samstarfsfélögum og viðskiptavinum. Í Teams er einfalt að tengja saman fjölmargar þjónustur í Microsoft Office 365 og gera þær aðgengilegar á einum stað fyrir alla í teyminu. Fyrir starfsfólk sem er mikið á ferðinni þá er auðvelt að setja Teams upp sem app í símanum og þannig er hægt að fylgjast með þótt starfsmaður sé ekki við tölvuna. 

Símkerfið inn í Teams

Þekking býður fyrirtækjum upp á þann möguleika að vera með símkerfi fyrirtækisins inni í Teams. Microsoft Teams símkerfi er viðbót við þá virkni að notendur í Teams geti hringt hljóð og myndsímtöl í aðra Teams notendur óháð því hvaða tæki er notað. Með Teams símkerfi geta notendur hringt símtöl í öll símanúmer hvort sem móttakandinn sé notandi í Teams eða ekki. Lausnin er einföld í uppsetningu, notkun og er hagkvæm í rekstri. Símkerfið inni í Teams sameinar tól sem viðskiptavinir þurfa að vinna í og einfaldar vinnuumhverfið til muna. Þetta gerir fyrirtækjum kleift að laga sig mjög hratt að breyttum aðstæðum og halda uppi góðri þjónustu.

Tækni sem snýst um fólk

Innleiðing á tækni snýst á endanum um fólk og þess vegna þarf að huga vel að breytingastjórnun þegar ný tækni er innleidd og ferlum breytt. Það er margt sem þarf að huga að við innleiðingu á Teams og hafa ráðgjafar Þekkingar mikla reynslu af Microsoft Office 365 innleiðingum þar sem Teams hefur spilað lykilhlutverk í að tryggja farsælar innleiðingar.